సిగ్గు (Blush) అంటే??
నీ పెదవుల పై ఉండాల్సిన చిరునవ్వు
నీ కళ్ళలో నాట్యమాడుతుంటే,
నీ మదిలో నా తలపుల అల్లరి
పది మంది కి కనపడకూడదనే
కంగారు నిన్ను కుదిపేస్తుంటే,
నీ యెద లోని భావాలకు అద్దం పట్టే
నీ మోము ని బయటపడకుండా,
నీ ముంగురులతో నువ్వు దాచేసుకొని,
నీ పక్కన లేని నన్ను నీ కళ్ళెదురు గా
ఊహిస్తూ, వచ్చే నీ ముసి ముసి నవ్వు ని
పెదవంచున అణచివేస్తూ,
తలదించుకొని కళ్ళు మూసుకొని
"హమ్మయ్య నన్ను ఎవరూ చూడలేదు లే"
అనుకొనే మధురమైన భావనే సిగ్గు పడటం అంటే!!
నువ్వు సిగ్గు పడితే ఎంత బావుంటావో తెలుసా!!!
-మైత్రేయి
Oct 16th 2026
Southlake, TX
