సిగ్గు (Blush) అంటే??

 సిగ్గు (Blush) అంటే??

నీ పెదవుల పై ఉండాల్సిన చిరునవ్వు

నీ కళ్ళలో నాట్యమాడుతుంటే,

నీ మదిలో నా తలపుల అల్లరి

పది మంది కి కనపడకూడదనే

కంగారు నిన్ను కుదిపేస్తుంటే,

నీ యెద లోని భావాలకు అద్దం పట్టే

నీ మోము ని బయటపడకుండా, 

నీ ముంగురులతో నువ్వు దాచేసుకొని,

నీ పక్కన లేని నన్ను నీ కళ్ళెదురు గా

ఊహిస్తూ, వచ్చే నీ ముసి ముసి నవ్వు ని

పెదవంచున అణచివేస్తూ, 

తలదించుకొని కళ్ళు మూసుకొని

"హమ్మయ్య నన్ను ఎవరూ చూడలేదు లే" 

అనుకొనే మధురమైన భావనే సిగ్గు పడటం అంటే!!

నువ్వు సిగ్గు పడితే ఎంత బావుంటావో తెలుసా!!!

-మైత్రేయి

Oct 16th 2026

Southlake, TX

సాగర తీరాన సంధ్యా రాగం

 సాగర తీరాన సంధ్యా రాగం 🌅

ఇది ఆ సంధ్యా కాంతుల చాయ

లేక నా చెలి నగవుల మాయ!

ఎది ఏమైనా, ఆ ఇద్దరినీ

చూస్తూ నేను మైమరచిపోయా!!

ఇంతలో నా పాదాల చెంత చేసే

చిలిపి అలల అల్లరి చెప్పింది,

ఆ రెండింటి మధ్య ఉన్న ఈ

సాగరతీరాన్ని మరువకు సుమా!! అని

మైత్రేయి
12/24/2025
Maui, Hawaii

She is an Emotion in Motion / అలుపెరగని కదిలే భావం తను

            

 అలుపెరగని కదిలే భావం తను 🩷

She is an Emotion in Motion

                 
                                              

మది లో తన రూపం

పాడెను తీయని వసంత రాగం;

చెరగని తన తలపు

చిందించే నా పెదవుల పై చిరు దరహాసం;

తరగని ఆమె ఊసు

అందించే కొండంత మనోబలం;

తను ఎప్పటికీ నాదే అన్న ఆశ

ఇచ్చె కొటి తారల ఉత్తేజం;

తను నా పక్కనే ఉన్నదన్న బ్రమ

నింపే నాలో ఎంతో ఉల్లాసం;

అలుపెరగని కదిలే భావం తను,

నను వదిలిపోని భావోద్వేగం తను;

మైత్రేయి

01/09/2026

Frisco, TX