సాగర తీరాన సంధ్యా రాగం 🌅
ఇది ఆ సంధ్యా కాంతుల చాయ
లేక నా చెలి నగవుల మాయ!
ఎది ఏమైనా, ఆ ఇద్దరినీ
చూస్తూ నేను మైమరచిపోయా!!
ఇంతలో నా పాదాల చెంత చేసే
చిలిపి అలల అల్లరి చెప్పింది,
ఆ రెండింటి మధ్య ఉన్న ఈ
సాగరతీరాన్ని మరువకు సుమా!! అని
మైత్రేయి
12/24/2025
Maui, Hawaii
అలుపెరగని కదిలే భావం తను 🩷
She is an Emotion in Motion
మది లో తన రూపం
పాడెను తీయని వసంత రాగం;
చెరగని తన తలపు
చిందించే నా పెదవుల పై చిరు దరహాసం;
తరగని ఆమె ఊసు
అందించే కొండంత మనోబలం;
తను ఎప్పటికీ నాదే అన్న ఆశ
ఇచ్చె కొటి తారల ఉత్తేజం;
తను నా పక్కనే ఉన్నదన్న బ్రమ
నింపే నాలో ఎంతో ఉల్లాసం;
అలుపెరగని కదిలే భావం తను,
నను వదిలిపోని భావోద్వేగం తను;
మైత్రేయి
01/09/2026
Frisco, TX
